ساعات ساعااااااات

ساعات ساعااااااات .... سعات ساعاااااات ... أحب عمري و أعشق الحاجات ..
الله عليكي يا صباح ..
لم أعرف جيدا تلك (الحاجات ) التي تتحدث عنها الشحرورة و التي أعتقد أنها تاهت في زحمة غسيل الملابس و الأطباق و تنظيف الأرضيات و شكلي الذي لا يتغير إلا عندما أنزع ( الأمطة ) لأدخل الحمام و أنا أحاول جاهدة (كحت ) رائحة الثوم و البصل التي تركت بصمة أبدية في أصابعي .
هو السـؤال هنا ؟ هو إيه الحاجات أصلا ؟ و لا الطبيخ و الغسيل قضي علي العقل كمان ؟
المفروض أن الناس عندما تكبر يكبر معها إدراكها و خبرتها أما أنا فبمرور الوقت لم أعد أعرف كيف أعد علي أصابعي حتي عشرة ..
اليوم يبدأ في الخامسة .. خرطي البصلة و التومة و شقشقي الصلصة بشوية ميه .. الله عليكي يا بت يا لولو ديما متمكنه .
صحي الأولاد , إعملي السندوتشات .. إغسلي وشهم و إصرخي في كل واحد هات الجزمة يا بن الجزمة
هات البنطلون و إلبسه
الجزمة مقلوووبة إعدلها ..
 سرحيلي يا ماما شعري
لبسيني التوكة الموف ..لأ .. الخضرة ... لأ .. الموف ... لأ... مش عارفة  عاااااااا
 مش بحب الجبنة .. عاوز حلاوة
مش بحب الحلاوة عاوزة جبنة
هنا يتم الانتصار لأنني ببساطة أقوم بتبديل السندوتشات ( عشان روحي متطلعش )
إيه ده إنتي بتبدلي السندوتشات .. لأ انا  عاوزة  جديد مش حاخد سندوتشاته ..
يستمر الكلام و أتحرك أنا كالروبوت ببرنامج مسبق و خبرة لا تنتهي مع الزن و الصراخ و الإعتراض
الشااااااي .. حتنزلوني من غير فطار يا كفرة !!
خدي نفس عميييييق طلعيه من نفقين أحمد حلمي اللي في وشك و شغلي الكاتل .. هو الناس كانت بتعمل ايه من غير الكاتل و الميكروويف و الكيتشن ماشين ؟
تحمل جميع الأسلحة و العتاد علي الظهور و ينظرون إلي بقرف واضح و خبية أمل ليس لها أخر و لسان حالهم يقول " مضطرين نستحملها " .
سكووووون تااااام .. إضاءة .
حخلص اللي ورايا  بدري .. حقعد عالفيس .. حكتب مقالة و انشرها عن جمال الحياة الزوجية .. حقرأ كتاب عن علم النفس و كيفية مساعدة الأطفال علي التطور  و ححط مكياج و برفان و حشيل الأمطة  .. حغير الجلابيه بفستان ضيق ... لا بلاش دي أحسن الجلابية ياما ساتره كتيييير  ( الستر برضه حلو )
كل ده حعمله أول ما أخلص ...
دخلت المطبخ .. المواعين في كل مكان .. غسيل في كل غرفة .. لعب علي الأرض
أقلام خطت لوح تكعيبيه علي باب الشقة ( رسم و تلوين كمااااان )  ..
أحب لأحيي بابا و ماما علي موافقتهم علي الجواز و أقول لكلامي اللي فوق بتاع الفستان  و الكتب و خصوصا الفيس .. إن مش كل اللي يعوزه الواحد لازم يحصل  و إلا حنبطل نحلم و ..... نموت .
مرت الساعات و أنا أغني تلك الأغنية التي لا أعلم لما تذكرتها تحديدا و اللحظات الجميلة تمر بسرعه  اما اللحظات التي تشوبها المهام فتمر كالبرق .
يعود الأولاد إلي البيت و بنفس الخطوات السابقة التي لا يحيدون عنها يلبسون و يذاكرون و يأكلون .
مش عاوز بسلة و رز
مش بحب اللحمة
فين الأكل دا أنا شقيان و إنتي بتتدلعي من الصبح .
المذاكرة :
مش بحب الحساب  
اختي اخدت الأستيكة .. طب مش مذاكر
أخويا عاوز ياخد القلم بتاعي
أنا عاوز الحمام .. أو أكل
عاوزة أنام ...
صرختين في ثلاثة و يأتيكي الفرج .
يدفع الأب بيده و الباب و يقف في منتصف الغرفة ..
إيه فيه إيه ؟ إنت كل شوية بتزعقي فيهم ليه ؟ كده حتعقديلي العيال ..
يا خراااابي .. دا بيكلمني أنا ....
أشق هدووومي ( دا طبعا نفسي أقوله يالا بلاش فضايح )
النظرة الملائكية ترتسم في أعين الشياطين و ينظرون للأرض
أه يا ولاد الـــ ...........
كملي مذاكرة .. حمي العيال .. لبسي لبس النوم .. إصرخي تاني ( بس وطي صوتك )
نااااااااموا و إلا حاجة تانية حتتكلم مش حتعجبكم ...
اغسلي مواعين العشا . طبقي الغسيل و أنشري الجديد عشان يلحق ينشف
إجلسي للراحة دقأئق ..
أنا جعاااان و بعدين إيه جو الكأبة اللي انتي فيه ده ما تقومي تدوري علي حاجة تضيعلنا الوقت الفاضي ده . و إعمليلي شاي معاكي
أقوم و ظهري له و لسان حالي يقول " حروح أتحزم و أجيلك "
ألتفت له و عيني تنضح بلون أحمر قاني ....
أقول له بعد صمت ... " إنت عارف إن الزرنيخ بيتحلي بيه الشاي يااااا روووحي "

                                                                                                                                     13/10/2014


تعليقات

إرسال تعليق

المشاركات الشائعة من هذه المدونة

The Party 2

The party 2 It was a sunny day with wind touching  our faces  gently. The black  glasses were hiding my smiley eyes . I was holding Salah’s hand tightly , he looked astonished  and  unaware of the surrounding event . “ how did she died? “ a man asked “ food poisoning” I answered  “why are you so calm Sara , wasn’t  this your friend for about two years ? “ he said “three .. it was three years Salah and she has taken a good care of me … really “ I said. Nola was standing away from the burials . she seemed she was trying to run away but refused to make a fool of herself . She was thinking how life is too short for struggling and how it will end quickly if we did not take all of our chances . She had to agree …   Saied was holding Mai’s hand and trying to stop her tears from falling . She is so sensitive and she cannot stand the  stressful atmosphere around her.   “ she was my only child , I cannot believe that she is ...
قراءة المزيد

The Party 3

The Party 3 Nola was suffering from a severe headache as she was driving home . she felt her future will end faster than she thought . She had to take a shower so she can think . Saied talked to her on the phone few days ago and he told her that Dara had passed away , it is a Felony So police suspect every one . She have nothing to hide and she don’t know any connection between her and Dara . “ what do you say if  asked you to go with a Salah in to some kind of relationship ?” he said. “ what are you saying ? I am not that kind of girl “ she answered . “ yea you aren’t but tell me what kind of a girl that leaves a corpse behind he to travel to another country ? “ “ how did you know that ? “ “ I have my resources , so … what are you gonna do , Ah I didot tell you that there is a good fee for your services “ “Mmmmm” “ I don’t want you to answer now just think about it and we can meet at the burial , if you did not kill the girl honey ,okay ?” She hang up th...
قراءة المزيد

The Party

I tried to reach  for the bowl  that I just bought . all that papers and cartoon giving me hard time to uncover the clear shiny glass that was surrounding with golden sparkles. “try to concentrate sara , you have to surprise everyone “  spoke to myself . I start to combine the sugar and the rice to stir , with the stirring memory starts to flow . “this is the best rice pudding I have ever eat” salah said He was astonished to find that hidden part of myself that claims I know how to cook especially  the rice pudding . Well, we have been together for five years , 2 love birds one is the beautiful calm Sara but the poverty eats the remaining youth marks in her face and the other is the classy Mr. Salah how come from the richest descends in the country which money gives him the extra charm needed for  his look. I began to add the eggs , of course there is an egg or two in my secret recipe . i bit it again and again . I snuffed as before and wiped...
قراءة المزيد